丨舊Tee編織機丨
Knowhere x 認真做無聊事 展品介紹 II
呢件係咁耐以嚟，遇到最多挫折嘅一件作品！orz
–
話說幾個月前見到 嘉道理農場介紹由義工手織嘅毛冷雀巢，先知道原來受傷嘅雀B，係康復過程中好需要呢啲又保暖又軟綿綿嘅雀巢代替品。(原post我放左係comment度~)見到毛冷雀巢嘅質感同t-shirt布料好似，唔知道可唔可以用舊tee剪開嚟編織呢？手殘嘅我 (針對軟綿綿嘅物料)，由細到大對編織都無興趣，學極都織唔好；到讀fashion design嘅時候，上親knitwear 堂都會整壞部手搖針織機……非常氣餒。有見及此，今次就試下面對自己嘅失敗，親手整部編織機！目標係令大家就算唔識織野，都可以將舊tee改造~
–
研究過程真係下刪一萬字，編織機嘅結構係我做過最複雜嘅一個，試到第三個prototype 先成功令轉盤順暢運作，連支織針嘅設計同物料都改過好幾次 (大叫)，不停懷疑人生！今次展出嘅呢個 3rd prototype 仍然有需要改良嘅地方，所以好抱歉展覽期間唔能夠比大家試玩。
–
嚟緊我會繼續改良編織機，希望除左雀巢之外，能夠用舊tee 織出更多唔同類型嘅野啦~！