謝謝大家對 咕姑固 嘅支持！

咕姑固 DIY Kit 包括：
1/ 木片 x 3
2/ 彈弓BB x1
3/ 螺絲 x2 sets
4/ 橡根 x 2
5/ 砂紙
6/ 大粒鴿糧

工具：
1/ 界刀
2/ 間尺
3/ 木工膠水
4/ 蠟燭
5/ 夾子

關於大家經常查詢”木工膠水”嘅問題，我推介以上呢款，喺比較大間嘅五金舖有得賣。(或者中南嘅Gorilla，不過會貴啲)
木工膠嘅好處除左實淨之外，乾透嘅時間會快啲，細零件大概等5-10分鐘已經ok；
如果平時用唔著木工膠唔想特別買，都可以用白膠漿代替，但要比多少少耐性，半至一個鐘先會乾透，等乾嘅時候記得固定好。


開始製作！

翅膀部份：

1/ 準備以上配件同埋工具。

Kit set入面，有連雙面膠紙嘅配件，同埋無膠紙嘅配件，有雙面膠紙嘅會比較方便，但時間耐咗膠紙可能會失效；
無膠紙配件可以用木工膠痴落鴿身，不過就要等耐少少時間先乾，好處係一勞永逸。
大家可以考慮下選用邊種~

1/ 木板上面嘅配件，可以用界刀界斷水口，方便攞出黎。

較薄嘅配件可以就咁用手”啪”出嚟~

2/ 拎以上嘅配件出嚟。

4/ 將4號配件裝落腳度。

5/ 1、2、3號配件嘅分佈。

6/ 砌好1至3號配件之後，可以裝埋另一邊腳。

7/ *重要步驟* 搽蠟燭上上圖虛線位置嘅四面，蠟燭嘅作用係增加順滑度，減少磨擦。無搽嘅話製成品可能會卡住~

身體部份：

1/ 準備以上配件。

2/ 其中一條橡根穿過以上嘅C形窿，窿比較細，可以將橡根摺埋一條長條形咁穿過。

3/ 穿過兩邊窿之後，喺後面拉緊。

3/ 反轉身體木板到無字嗰邊 (如圖左)，將頭先有橡根嘅配件攝落上圖嘅位置，為左減少用膠水，榫位要用陰力攝入去。

4/ 其餘兩塊配件好似上圖咁組裝。

5/ 完成圖如上~

6/ 裝埋另一邊木片。

7/ 將腳部份攝入去剛整好嘅身體中間。

8/ *重要步驟* 上下來回推腳嘅部份，測試下順唔順暢，正常情況唔洗太用力都可以上下來回推；如果覺得好實/卡住嘅話，就要再打磨，如下圖。

9/ 用砂紙打磨上圖白圈嘅位置。

10/ 大概打磨到無黑邊，搽埋蠟燭之後，就可以再攝入去試試。
都係唔夠順嘅話，就再重複呢組步驟，為免之後要拆開重做，呢個步驟記得check清楚！

11/ 測試成功之後，係腳掌嘅方形窿入面加啲木工膠膠，裝腳上去，待乾。

12/ 固定好腳之後，裝上身體部份。

頭部：

1/ 用界刀界以上嘅配件出嚟，呢part 最厚，界刀需要前面同後面都界一下先拎到出嚟，用界刀嘅時候要小心，刀片唔好太長，用錯力會折斷同埋整親。

2/ 拎埋以上嘅配件出嚟。

4/ 用木工膠痴埋佢地，尾部位置同樣做法，抹走多餘嘅木工膠。

5/ 頭部位置同樣厚、薄、厚咁痴埋，留意要按彎線嘅形狀組合埋佢地，低面兩塊同樣方面，唔好調轉。

6/ 等乾~

7/ 拎以上A、B配件出嚟。

8/ A配件攝入去以上位置。

9/ 係B配件嘅曲線部份搽蠟。

10/ 喺前方1號位置，安裝B配件。

11/ 完成圖如上。

12/ 準備以上配件。

13/ 喺上圖位置放入兩個配件。

14/ 裝上面板。

15/ *重要步驟* 呢個時候可以㩒下佢背脊，試吓叫聲同埋能唔能夠回彈！
如果唔能夠回彈，就要返返去“身體部份” 嘅步驟9；如果之前跟足測試嘅步驟，呢個部份應該唔會出問題~

16/ 安裝頭部，如上圖，將橡根卡上頸前嘅U形位置。

17/ 完成圖如上。

18/ 裝上螺絲，頭部位置稍微向下壓，對齊左右兩邊嘅窿，以便螺絲穿過。

19/ 另一邊扭實絲帽，可以用附上嘅小六角匙幫手。

20/ 前後嘅螺絲都裝好，完成圖如上。

21/ 反轉以上配件，背面無劃線嘅部份。

22/ 搽適量木工膠，痴上上圖底部 (記著係無劃線嗰邊)。
(有劃線嗰邊唔洗搽膠水，以便日後拆開螺絲維修；橫、直劃線可以用嚟對水平，同背脊嘅橫線平衡，方便對準要痴嘅位置)
尾部同樣做法。

痴好之後，打側可能會見到一條gap，係正常嘅。

23/ 拎以上嘅配件出嚟。

24/ 用砂紙打磨上圖白色框嘅位置，磨到見唔到黑邊。

25/ 反轉翅膀到無劃線嘅背面，裝上配件，再喺表面搽蠟。

26/ 上圖嘅位置同樣搽蠟。

27/ 喺翅膀背面，拍齊翼尖嘅位置貼上卡紙配件；之後再貼上鴿身有梯形框嘅位置。

28/ 兩邊用力壓實，完成！

29/ 放入鴿糧，可以玩喇！

精華片段：

大家仲可以按喜好油顏色上咕姑固個身度~
以下我用左整深木色嘅醋黎做顏料~

Copyright © 2021 In Wonderland Co. All Rights Reserved.
版權所有 © 2021 In Wonderland Co.